2012 онд "Sweetymotion", "Номин талст" хамтлагийн 15 жилийн ойн баяр болж, томоохон тоглолтыг хийж байсан. Харин 2013 онд хип, хоп сонирхогч залуусыг нэгэн үе байлдан дагуулж байсан Lumino хамтлагийн 15 жилийн төрсөн өдрийн баяр тохиож байна. Сонсогч, фенүүддээ шинэ уран бүтээл, мөн хоёр ч цомгоор уулзах Lumino хамтлагийн ойн ажлууд эхэлж байгаа аж. "Best of Lumino" 1,2 нэртэйгээр шинэ цомгоо нэрлэжээ. Түүнчлэн "Насан туршдаа" дуугаа 15 жилийн ойдоо зориулан дахин клипжүүлэх гэнэ.