МАХН-ын дарга Н.Энхбаярыг Клиникийн хоёрдугаар эмнэлэг рүү шилжүүл гэсэн шаардлага тавин ээжүүд өлсгөлөн зарлаж эхлээд байгаа. Харин өнөөдөр долоон ээжийн биеийн байдал хүндэрч, хоёр хүн эмнэлэгт хүргэгдсэн билээ. Тиймээс МАХН-аас ээжүүдийн талаар мэдээлэл хийв. Одоогоор тус өлсгөлөнд 17 ээж байгаа бөгөөд 26-67 насных аж.
    МАХН-ын дарга Н.Энхбаярыг Клиникийн хоёрдугаар эмнэлэг рүү шилжүүл гэсэн шаардлага тавин ээжүүд өлсгөлөн зарлаж эхлээд байгаа. Харин өнөөдөр долоон ээжийн биеийн байдал хүндэрч, хоёр хүн эмнэлэгт хүргэгдсэн билээ. Тиймээс МАХН-аас ээжүүдийн талаар мэдээлэл хийв. Одоогоор тус өлсгөлөнд 17 ээж байгаа бөгөөд 26-67 насных аж.
    Хурлын эхэнд МАХН-ын Нийслэл болон намын байгуулалт хариуцсан  нарийн бичгийн дарга Г.Бямбасүрэн “Н.Энхбаяр дарга болон ял эдэлж байгаа бусад хоригдлууд эмнэлгийн тусламж авч чадахгүй эрх нь зөрчигдөж байгааг эсэргүүцэн ээжүүд өлсгөлөн зарласан. МАХН-ын зүгээс энэхүү өлсгөлөнг зохион байгуулаагүй гэдгийг албан ёсоор бид мэдэгдсэн ч хэвлэл мэдээллийн хэрэгслээр мөнгө тараасан, байр авч өгсөн гэх зэргээр мэдээлж байна. Хүн итгэхийн аргагүй өөр олон гүтгэлэг гарсаар байна. Тиймээс бид дахин ийм худал гүтгэлгийн чанартай мэдээлэл тараасан, гаргасан хүн, хэвлэл мэдээллийн байгууллагыг шүүхэд өгнө гэж бодож байна.     Хэдийгээр бид өлсгөлөнг зохион байгуулаагүй ч ээжүүдийн амь нас, эрүүл мэнд хутганы ирэн дээр ирээд байгаа үед тоохгүй байж болохгүй. ШШГЕГ-ын дэд дарга П.Хосбаяр өчигдөр бидэнтэй уулзахдаа маргааш өглөө Н.Энхбаярыг шилжүүлнэ гэж хэлсэн. Гэтэл утсаа салгаад зугтаад байна. Төрийн албан хаагч хүн ийм хариуцлагагүй байж болохгүй. Урьд нь Н.Энхбаяр даргыг дандаа баасан гаригт баривчилж, хүч хэрэглэн шилжүүлж байсан. Энэ нь амралтын өдрийг зориуд дамлуулан хийж, цаг хожих гэсэн арга” гэв.
    Ээжүүд өлсгөлөн зарлаад 226 цаг болж байгаа бөгөөд МАХН-ынхан тэдний өлсгөлөнг зогсоохыг хүссээр байгаа аж. Гэтэл ээжүүд зорилгоо биелүүлэхгүй өлсгөлөнгөө зогсоохгүйгээр барахгүй цаашид нааштай хариу ирэхгүй бол хоёр хүн хуурай өлсгөлөнд шилжинэ хэмээн мэдэгдээд байгаа юм байна.