“Эрүүл мэндийн ажилтанд нэмэгдэл, мөнгөн урамшил олгох журам батлах тухай”Засгийн 2012 оны 150 дугаар тогтоол энэ оноос хэрэгжиж эхлээд байна. Ингэснээр хөдөлмөрийн хүнд, хортой нөхцөлд хамаарах албан тушаал эрхэлдэг эрүүл мэндийн ажилтан, эх барих-эмэгтэйчүүдийн эмч, эх баригч, хүүхэд, нярайн эмч, сувилагч нь тухайн ажил, албан тушаалыг хаших хугацаандаа үндсэн цалингийн 10 хувьтай тэнцэх нэмэгдлийг сар бүр авах боломжтой болж байна. Түүнчлэн нийт эрүүл мэндийн ажилтнуудад улирлын үр дүнгийн мөнгөн урамшууллыг үндсэн цалингийн хэмжээ, үр дүнгийн үнэлгээнээс хамааран 10-15 хувиар сар бүр тооцож, улиралд олгохоор болжээ.