Испанид  болж буй дэлхийн алдарт тенор Francesc Viñas-ын нэрэмжит олон улсын дуулаачдын уралдаанд  гавьяат жүжигчин, ДБЭТ-ын баритон Э.Амартүвшин оролцож байгаа билээ. Тэгвэл тэрбээр хагас шигшээд шалгараад байсан бол өчигдөр финалын шатанд үлдсэн байна.

Энэ жил алдарт тенор Francesc Viñas-ын нэрэмжит Oлон улсын дуулаачдын уралдааны 50 дахь жилийн ой тохиож байгаа юм. Энэ сарын 13-нд тус уралдааны хагас шигшээ шалгаруулалт эхэлсэн бөгөөд 40 шилдэг уран бүтээлч өрсөлдсөн юм. Э.Амартүвшин нарын финалд үлдсэн дуулаачид өнөөдөр уран бүтээлээ толилуулах бөгөөд шилдгүүд энэ сарын 20-нд тодорно.