УИХ-ын чуулган дээр Ерөнхий сайд Н.Алтанхуяг болон бусад салбарын сайд нар гишүүдийн асуултанд хариулж, мэдээлэл өгч байна. Энэ үеэр шадар сайд Д.Тэрбишдагваас МАХН-ын байранд өлсгөлөн зарлаж байгаа эхчүүдийн талаар ямар арга хэмжээ авч байгаа талаар асуув. Тэрбээр "Би өдөрт хэд хэд очиж уулзаж байгаа. Анх таван эх хуурай өлсгөлөн зарлаж байсан бол өнөөдөр есөн эмэгтэй хуурай өлсглөнд шилжсэн байна. Ерөнхий сайдтай энэ асуудлаар өдөр болгон уулзаж байгаа ч болж өгөхгүй байна. Нөгөө хоолойн дээр тээгэлсэн яс биш, хоолойн дээр зуурсан хутга шиг болчихоод байгаа. Энэ эмэгтэйчүүд олноороо нийлэхээрээ хүчтэй дэмжигчид болдог юм байна. 67 настай хөгшин битгий өлсөөч гээд байхад өөрөө  очиж хэвтээд өнөөдөр өглөө ухаан алдаад явсан. Хөдөлж өгөхгүй банйа. Би өөрийнхөө чадлаар гуйлаа. Энэ хүмүүс МАХН-ын дарга Н.Энхбаярыг эмнэлэгт хүргэж өгөөч гэсэн ганцхан шаардлгаа тавьсан юм билээ. Олон хүмүүс нэгдэхээр ийм хурц болдог юм байна. Хагас бүтэн сайн өдөр болно, хүний амь нас эрсдэх гээд үнэхээр санаа зовж банйа. Үүнийг ШШГЕГ, Хууль зүйн сайд, эрүүл мэндийн сайд нар ярьж хөөрч байгаа" гэлээ.