Өнөөдрийн Засгийн газрын хуралдаан нээлттэй эхэллээ. Ерөнхийлөгч Ц.Элбэгдорж оролцож байгаа уг урлаар агаарын бохирдлыг бууруулах талаар авч буй арга хэмжээний талаар хэлэлцэхээр төлөвлөсөн. Хурлын эхэнд БОНХЯ-ны сайд С.Оюун мэдээлэл хийж байна. Тэрбээр "Улаанбаатар хотод хамгийн их буюу 60 хувийн бохирдлыг үүсгэж байгаа нь гэрийн зуух. 2012 оны байдлаар нийслэлд 185 мянган айл өрх гэр хороололд амьдарч байна. Харин 300 орчим автомашин замын хөдөлгөөнд оролцож, агаарын бохирдлын 20 хувийг үүсгэж байгаа. Мөн цахилгаан станц, нам даралтын зуух тус бүр 6 хувийг эзэлж байна" гэв.

     Тиймээс гэр хорооллын зуух хамгийн их хор хохирол үзүүлж байгаа нь харагдана. Тиймээс 2012 оны өвөл гэрийн энгийн зуухыг 70 мянган сайжруулсан зуухаар сольсон бол  энэ өвөл 30 мянган зуухыг сольжээ.  2011 оны энэ үетэй харьцуулахад хүхэрлэг хий 13 хувиар азотын давхар исэл 26 хувиар буурсан байна. Байгуулагдаад жил 6 сар болж байгаа Цэвэр агаар санд жилд 30 тэрбум төгрөг төсөвлөсөн байдаг аж. Үүний 50 хувийг гэрийн зуухыг буулгахад зарцуулсан бол 2000 нам даралтын зуухны 10 хувийг буулгаж, төвийн шугамтай холбожээ.
 С.Оюун сайд агаарын бохирдлыг бууруулахын тулд цаашдаа түүхий нүүрсээ сольж, нам даралтын зуухуудаа буулгаад гэрийн зуухыг солих ажил хийх нь зүйтэй гэлээ.
    Одоо Агаарын бохирдлыг бууруулах Үндэсний хорооны мэдээллийг Ерөнхийлөгчийн Тамгын газрын дарга П.Цагаан танилцуулж байна.