1. Хальт харахад хагас хүн, хагас чоно гэж хэлж болохоор ч энэ бол Хятад эрийн төрөлхийн тэмдэг юм. Чонынх шиг хөх үстэй түүнийг багаас нь "сармагчин" гэж хочилдог байжээ. Үүндээ байнга санаа зовж ирсэн тэрбээр биеийнхээ үснээсээ хэрхэн салах талаар асуухаар эмч дээр иржээ. Дэлхий дээр түүн шиг гаж үстэй хүмүүс дэлхийн хүн амын гурав, түүнээс илүү хувийг эзэлдэг байна.

2. Хоёр настай Конни Лойдын алиалагчийнх шиг улаан хамрын нууцыг одоогоор хэн ч тайлж чадахгүй байна. Төрөхдөө хамар дээрээ улаан "гэрэлтэй" төрсөн түүнийг эцэг, эх нь маш онцгой хүүхэд гэдэг аж. Харин энэ нь охины гоо сайханд муугаар нөлөөлж буй ту том болохоос нь өмнө мэс засал хийж төрөлхийн тэмдгийг нь авахуулсан байна.

3. Ардаа хуягаа үүрсэн яст мэлхий шиг харагдаж байгаа биз? Колумбын зургаан настай хүүгийн "хуяг" нь ямар нэг өвчин биш, зүгээр л хэтэрхий том ургасан мэнгэ. Гэтэл нутгийнхан үүнийг ч чөтгөрийн бэлэг тэмдэг хэмээн дургүйцэн хүлээж авдаг байжээ. Тиймээс мөнгөгүй ч гэсэн хүүгийн ээж Английн эрдэмтдэд хандаж, хүүгийнхээ төрөлхийн мэнгийг авч өгөхийг хүссэн байна.

4. Нүүрэндээ тодоос тод тэмдэгтэй таван настай Жорж Ашман хүүг шашны итгэгчид өөр ертөнцийнх гэдэг. Төрөхөд нь духных нь голд улаан мэнгэ байсан ч томрох тусам нь улам тод болж, дух нь хонхойж эхэлсэн аж. Яг л эвэр шиг. Энэ нь орчин тойрныхныг нь айдаст автуулжээ. Тиймээс бусдын адил энгийн ааш, зантай хүүгээ хэл амнаас салгахын тулд эцэг, эх нь таван настайд нь нүүрний арьс нөхөх мэс засалд оруулжээ.

5. Чонын хөх арьтай гэгдэх Ли Хиа Юан зургаан настай. Хэдхэн сарын өмнө түүний нуруун дээр жижигхэн хөх толбо байжээ. Гэтэл богино хугацааны дотор мэнгэ нь томорч, үс ургаж эхэлжээ. Энэ нь нуруу, гарт нь дамжиж, нүүрэнд нь ч нөлөөлж эхэлсэн байна. Эмч нар түүнд мэнгэний өсөлт нь хяналтаа алдсан байна гэсэн хачирхалтай онош тавьсан гэнэ.


6. Хятадад илүү үстэй, содон тэмдэгтэй хүмүүс их байдаг бололтой. Есөн настай Ан Ки нүүрнийхээ гажиг үсийг авахуулахаар мэс засалд бэлдэж байна. Түүнийг өсч томрох тусам нүүрний үс нь улам том, улам өтгөн болж эхэлжээ.

7. Хүнээс гадна амьтад ч бас хачирхалтай тэмдэгүүд байдаг. 2010 онд АНУ-ын Коннектикут мужийн нэгэн фермд духан дээрээ цагаан загалмайн тэмдэгтэй тугал мэндэлжээ. Түүний энэ мэнгийг нутгийнхан бурхных гэж тахин шүтдэг байна.