Жил бүрийн эхний гурав дахь долоо хоногийн ням гаригт тохиодог Дэлхийн шашны өдөртэй холбогдуулан Дашчойлин хийд, Гандантэгчэнлин хийд, Монголын мусульманы нийгэмлэг, Ватиканы төлөөлөгчийн газрын Католик шашны сүм, Монголын Бахайчуудын үндэсний оюун санааны чуулга зэрэг шашны бүх урсгалын төлөөлөл хамтран мэдэгдэл хийсэн байна.

Энэ өдөр “Шударга ёс ба нийгмийн хөгжил” сэдвийн дор шашны төлөөлөл тус бүр 5-10 минутын илтгэл тавьж, эрдэмтэн мэргэд санал бодлоо солилцоно гэв. Монгол Улсын Ерөнхийлөгчийн дэргэдэх Шашны асуудал эрхэлсэн зөвлөлийн гишүүд, НҮБ-ын суурин зохицуулагч оролцох юм.