Монголын рок поп урлагт байр сууриа бат тогтоосон “Sweetymotion” хамтлагийнхан өчигдөр Өвөрмонголын “Одон телевиз”-ийн урилгаар Өвөрмонголыг зорьжээ. Тэд тус телевизийн сар шинийн нэвтрүүлэгт оролцохоор ийнхүү хүлгийн жолоо залсан байна. Тус нэвтрүүлгийн бичлэг нь Ордосын Бугат хотод энэ сарын 22-нд, Хөх хотод 24, 25-нд тус тус хийгдэх юм байна. Жил бүр уламжлал болгон зохион явуулдаг тус арга хэмжээнд энэ удаа “Sweetymotion” хамтлагийнхан Монголын рок поп урлагийг төлөөлөн оролцохоор болсон байна.