Өвөр Монголын 12 удаагийн алдарт аварга Б.Төмөр, шавь нарынхаа хамт манай улсад бэлтгэлээ базааж эхэлжээ.

    Өвөр Монголын 12 удаагийн алдарт аварга Б.Төмөр, шавь нарынхаа хамт манай улсад бэлтгэлээ базааж эхэлжээ. Монголын уламжлалт үндэсний бөхийн барилдааныг сүүлийн жилүүдэд Өвөр Монголын бөхчүүд ихээхэн сонирхож байгаатай холбоотой гэнэ. Ингэснээр хилийн наана цаана тусгаарлагдсан манай өв соёл, цаашлаад бөхчүүдийн уран барилдаан, бэлтгэл сургуулилтаас суралцах хүсэлтэй байгаа аж. Тийм учраас Б.Төмөр аварга өөрийн шавь нарын хамт "Хөвсгөлийн хүчтэн" бөхийн дэвжээнд хамтарсан бэлтгэл сургуулилтаа хийж байгаа гэнэ.

Б.Төмөр аваргын хувьд 1987 онд буюу 20 настайгаасаа хойш хичээллэж байгаа бөгөөд Өвөр Монголдоо төдийгүй бүх Хятадын аварга шалгаруулах тэмцээнд 20 гаруй удаа түрүүлж байжээ. Тэрээр өөрийн шавь нараа тив, дэлхийд хүлээн зөвшөөрөгдсөн шилдэг тамирчин болгох хүсэл тээдэг аж. Тэрхүү хүслээ биелүүлэхэд Монгол Улсын шилдэг тамирчдын арга барил зайлшгүй хэрэгтэй гэжээ. Тэд таван сарын хугацаанд Монгол Улсад амьдарч бэлтгэл хийхээр болсон байна.