Монгол Улсын Ерөнхийлөгч Ц.Элбэгдорж Польшид болох Давосын чуулга уулзалтад оролцохоор өнөөдөр Улаанбаатараас мордлоо. Монгол Улсын Ерөнхийлөгч Бүгд Найрамдах Польш улс /БНПУ/-ын Ерөнхийлөгч Бронислав Коморовскийн урилгаар энэ сарын 21-22-нд БНПУ-д Төрийн айлчлал хийх юм. Мөн энэ сарын 23-26-нд Швейцарийн Давост болох Дэлхийн эдийн засгийн ээлжит чуулга уулзалтад оролцох ажээ.

БНПУ-д хийх айлчлалын үеэр Монгол Улсын Ерөнхийлөгч тус улсын Ерөнхийлөгч Бронислав Коморовскитэй хэлэлцээ, Сеймийн маршал Эва Копач, Сенатын маршал Богдан Борусевич, Ерөнхий сайд Дональд Туск нартай албан ёсны уулзалт тус тус хийх юм байна. Мөн Варшавын Их сургуульд лекц уншиж, БНПУ-ын Ерөнхийлөгч Бронислав Коморовскийн хамт Монгол-Польшийн бизнесийн уулзалтад оролцож, үг хэлэх юм. БНПУ-д оршин сууж байгаа монгол иргэдтэй уулзах, Польш дахь Монгол судлалыг дэмжих үүднээс Варшавын Их сургуульд шинээр байгуулагдаж буй монгол хэлний ярианы дадлагын танхимыг албан ёсоор нээх зэрэг арга хэмжээндтус тус оролцох ажээ.