Энэ сарын 15-нд Дорнод аймгийн иргэн 55 настай М.Баярцогт ор сураггүй алга болсон. Цагдаагийнхан эрэн сурвалжсаны эцэст Сонгинохайрхан дүүргийн нутаг, Улаанчулуутын хогийн цэгээс нэгдүгээр сарын 17-ны 07.00 цагийн үед түүний “Мitsubishi dingo” маркийн 38-98 ДОР улсын дугаартай автомашин нь шатсан байсныг олсон юм.Шинжээчид машиныг дэлбэрээгүй, дотроос нь зориудаар шатаасан байна гэх дүгнэлт гаргасан юм.
Тэрээр цагаан сарынхаа бэлтгэлийг базаах, шинэ машин авахаар Улаанбаатарт ирээд байжээ.
Уг хэргийн талаар цагдаа, прокурорын байгууллагын эх сурвалжаас лавлахад “Улаанчулуутын хогийн цэгээс шатсан машин олдсон хэрэгт эрүүгийн хэрэг үүсгэн шалгаж байна. Хэргийн газрын үзлэг хийхэд шатсан машинд хүн байгаагүй. Гэхдээ машиныг гаднаас нь галдан шатаасан нь тогтоогдсон. Лавшруулан үзлэг хийхэд арын суудлаас цус болсон тоосго олдоод байна. Автомашины эзэн хаана байгаа нь тодорхойгүй учраас цус хэнийх вэ гэдгийг одоогоор тогтоох боломжгүй байгаа.
Өнөөдрийг болтол ямар нэг сэжүүр гараагүй байна” гэлээ. Өөр нэг эх сурвалж “Энэ хэргийн талаар одоогоор мэдээлэл өгөх боломжгүй. Сэжигтнээр хоёр хүнийг өчигдөр цагдан хорьсон. Тэд гэмт хэрэгт холбоотой эсэх нь тодорхой болно” гэлээ.
М.Баярцогтын том хүү Б.Нямдорж “Манай аав энэ сарын 15-ны 21.00 цагийн үед гэрээсээ гараад сураггүй алга болсон. Гарахдаа 300 мянган төгрөгтэй явсан. Аавыгаа эсэн мэнд олдоосой гэж итгэж, найдаж байна. Барьцаалсан хүмүүст хэлэхэд “Хэдэн төгрөгөөр ч хамаагүй аавыгаа аврахад бэлэн байна. Амьд мэнд суллаж явуулахыг хүсч байна” гэлээ.
Б.Золбоо
Сэтгэгдэл (6)