МЗХ нь дотроо олон хороодуудтай болсон. Гэтэл энэ хороодуудын үйл ажиллагаа нь тодорхой бус байгаа. Тэгвэл энэ талаар МЗХ-ны Удирдлага, хамтын ажиллагааны газрын дарга Э.Ганболдоос тодруулсан юм.   

-Монголын залуучуудын холбоо олон хороодуудтай болсон. Одоогоор ямар үйл ажиллагаа явуулж байна?

-Бид 18 хороо байгуулъя гэж зорьж байгаа. Одоогоор долоон хороо байгуулагдсан байгаа. Уг байгуулагдсан хороод нь төлөвлөгөөгөө гаргаад явж байна. Энэ онд ямар ажил зохион байгуулах вэ гэдэг ч юм уу, хийх ажлынхаа талаар төлөвлөгөөгөө гаргаж байгаа.  Зарим нь үйл ажиллагаа нь жигдэрчихсэн байна. Жигдэрч амжаагүй ч хороодууд ч  байна. Тухайлбал, өнгөрсөн хагассайн өдөр “Байгаль орчны хороо” байгуулагдаад дөнгөж л дарга, цэргээ сонгох хурлаа хийгээд байна.

-Энэ хороодууд нь яг ямар үйл ажиллагаа явуулах вэ?

-Ерөнхийдөө хороодууд нь бие даасан үйл ажиллагаа явуулна. Тухайн салбарынхаа асуудлыг хөндөж тавьдаг эсвэл болж байгаа зүйлийг нь дэмжээд ажиллана гэсэн үг. Хамгийн гол нь нийгмийн тулгамдсан асуудал дээр залуучуудыг уриалж идэвхтэй оролцуулна.

-Яг үйл ажиллагаа нь эхэлсэн ямар хороо байна?

-“Эрүүл мэндийн хороо” үйл ажиллагаагаа нь эхэлсэн. Ерөнхийдөө телевизийн шторк явуулна гээд эхэлчихсэн, төсөв мөнгөө шийдчихсэн байгаа. “Эрүүл мэндийн хороо” нь залуучуудыг архи, тамхи гэсэн муу зуршлуудаас нь салгах, эрүүл найдвартай хүнсээ сонгож хэрэглэж сурах зэрэг эрүүл мэндтэй холбоотой асуудлуудад анхаарч ажиллана.
 Мөн Залуучуудын хүнс, шим тэжээлийн хороо гэж байгаа. Энэ хороо нь төлөвлөгөөгөө гаргачихсан. Ажлаа эхлэхэд бэлэн болсон байгаа.
Соёл урлагийн хороо, Спортын хороодуудын ажил жигдэрчихсэн байгаа.

-Энэ хороодуудын үйл ажилгааг мэдээлж өгөх хэвлэл мэдээллийн төлөөлөгч байгаа юу?
-Одоогоор хэвлэл мэдээллийн төлөөлөгч алга. Яваандаа томилж болно. Хороод маань ерөнхийдөө МЗХ-нд харъяалагдаад удирдлагаар хангагдаад явна.  Үйл ажиллагаа нь жигдэрээд ирэхээр хэвлэлийнхэнд ханддаг болох байх.

-МЗХ одоогоор ямар ажил зохион байгуулаад байна?
-Шинэлэг гэвэл 21 аймагт салбар зөвлөлтэй. Энэ дээр нэмээд ямар ч байгууллага , аж ахуй нэгж дээр байгуулж болохоор залуучуудын сайн дурын нэгдэл байгуулж байгаа юм.  Үүнийгээ залуучуудын зөвлөл гэж нэрлээд бүх л аж ахуй нэгж, төрийн болон төрийн бус байгууллага дээр байгуулж байгаа юм.

-Байгууллагууд дээрх  зөвлөлүүд чинь ямар үйл ажиллагаа явуулах вэ?

-Байгууллага дээр байгаа залуучууд нэгдэж үйл ажиллагаа явуулна гэсэн үг. Ямар ч байгууллагад залуучууд их ажиллаж байгаа. Тэр залуучуудыг нэгтгээд, нийгэмд хэрэгтэй зүйлийг санаачлах. Жишээлбэл, одоогоор Багануур дүүргийн “Зүүн, өмнөд цахилгаан дамжуулах сүлжээ” гээд компанид залуучуудыг байгуулсан байгаа. Эдгээр залуус маань тухайн байгууллагад ажиллаж буй залуучуудын нийгмийн идэвхийг сайжруулах, тэндээс нийгэмд хэрэгтэй санаачлагыг гаргаж ирэх үүрэгтэй. Нэг ёсондоо Монголын залуучуудын хороо бүх залуучуудын дуу хоолойг нэгтгэх гээд байгаа юм.

-Тэгвэл төр засаг руу дуу хоолойгоо хүргэсэн үү?

-Өмнөх онд Ерөнхий сайдад нэр бүхий 27 санал тавьсан байгаа. Хотын даргад 14 санал тавьсан байгаа. Эдгээр дээр  тодорхой шийдвэртэй хариу түрүүчээсээ ирж байгаа. Мөн УИХ-ын нэр бүхий дөрвөн гишүүнээр ерөний сайдаас асуулга асуулгасан байгаа. Энэ асуулгын хариу энэ өнгөрсөн долоо хоногт ирсэн байгаа.