Оны шилдэг бүтээл шалгаруулах “Алтан өд” наадам яруу найраг, хүүрнэл зохиолын богино болон томоохон хэмжээний бүтээл, хүүхдийн зохиол, жүжиг кино, судлал шүүмж, баримтат уран зохиол, орчуулгын бүтээл гэсэн найман төрлөөр бүтээлээ авч, бүртгэлийн хугацаа өнгөрөгч арванхоёрдугаар сард дууссан билээ.

Уг наадмын эцсийн шалгаруулалтыг “Болор цом-30” наадамтай хамтатган зохион байгуулахаар төлөвлөөд байсан ч хойшлуулсан байна.

Учир нь энэ жил “Болор цом” наадмын тэгш тохиож байгаа учраас зохион байгуулалтын цаг үе нь хоёр том наадмыг нэг дор зохион байгуулах боломжгүй байсан гэж албаныхан тайлбарлаж мэдэгдэл хийж байсан. МЗЭ “Алтан өд” наадмыг 2001 оноос уламжлал болгон зохион байгуулж байгаа бөгөөд энэ жилийн наадмыг энэ сарын 26-нд хийхээр болжээ. Энэ жилийн наадамд 76 уран бүтээлч бүтээлээ өгч өрсөлдүүлжээ.