Энэ сарын 18-нд нээлтээ хийсэн даруйдаа Монголын кино сонирхогч, үзэгч түмний эх түүхээрээ бахархах, омогших сэдлийг дэврээсэн "Ану хатан" түүхэн уран сайхны кино  маргааш Эрдэнэт хотод нээлтээ хийх гэнэ. Эрдэнэтийн "Уурхайчин" соёлын ордонд маргааш 17:00 цагт болох киноны нээлтэнд ерөнхий продюсер Д.Болдхуяг, ерөнхий найруулагч Т.Алтантуяа, Галдан хаанд тоглосон жүжигчин М.Мягмар, Данжилад тоглосон жүжигчин С.Ариунбямба, Эрдэнэтийн жүжигчин Балсанд тоглосон Гэрэлт-Од, Энх-Амгалан хаанд тоглосон Е.Баярмагнай, найруулагч В.Агар, ерөнхий зураглаач Д.Ангараг нар оролцох ажээ.