Монгол Улсын иргэн Б гэгч биеэ хянах чад­варгүй болтлоо олон хоног архи ууж, өөрийн ухаанаа алдсан бай­далтайгаар Эрээн хотын төв эмнэлэгт хүр­гэгджээ. Тэрбээр эмнэлгийн тус­­­­ламж авсан ч гүн хорд­ло­год орсны улмаас энэ сарын 21-нд нас барсан бай­на. Консулын газрынхан талий­гаачийн цогцсыг ша­рил хадгалах газарт хүр­гэж, ар гэрт нь мэдэгдсэн бө­гөөд талийгаачийн үхлийн шалт­гаанд гадны нөлөө бий эсэхийг шалгуулахаар Эрээн хотын Эрүүгийн цагдаагийн газарт хүсэлт тавиад байгаа аж. Түүнчлэн, манай улсын иргэд гадаадад зорчин, аливаа зүйл худал­даж авахдаа найдвартай хүнээр зуучлуулах, мөнгө өгөх хүнийхээ биеийн бай­цаалт, хаяг, бүртгэл зэргийг нь сайтар үзэж тулган, тэм­дэглэхгүйгээс болж хо­хи­рох явдал гарч байна. Тухайлбал, Монгол Улсын иргэн Э нь авто ма­шин худалдаж авахаар өн­гөр­сөн оны зургаадугаар сарын эхээр БНХАУ-ын Эрээн хотод ирж, өөрийгөө Бөхмөрөн гэж танилцуулсан өвөрмонгол хүнээр зууч­луу­лахаар тохи­ролцжээ. Ул­маар түүнд 10 мянган юань өгтөл тухайн хүн мөнгийг нь аваад сураггүй алга болсон хэмээн гомдол гаргажээ.

Гомдлын дагуу Эрээн дэх Монголын Консулын газраас тус хотын цагдаагийн га­зарт хандсан боловч манай улсын иргэн мөнгө өгөхдөө бичиг баримт, биеийн байцаалтыг нь үзэлгүй хөнгөн хуумгай хандсан төдийгүй зургаан сарын дараа гомдол гарга­сан байдаг. Өгсөн утас­ны дугаар нь дугаар эзэм­шигчийн бүрт­гэлгүй байсан гэх зэрэг шалт­гаанаар за­лилагч этгээ­дийг олж тогтоох бо­ломжгүй гэ­сэн хариу аваад байна.  Энэ мэт гадаадад монгол иргэдтэй холбоотой олон асуудлууд гарч байгааг Гадаад харилцааны яамнаас сэрэмжүүлж байна.