Ерөнхий сайд Н.Алтанхуяг өнөөдөр сэтгүүлчидтэй цаг үеийн асуудлаар нээлттэй ярилцлаа. Ярилцлагын үеэр төрийн албан хаагчдын томилгоо, Чингис хаан бондоор хэрэгжих төсөл, Таван толгойн төслийн хэрэгжилт гэх зэрэг олон чухал сэдвийг хөндлөө.

- “Чингис” бондын мөнгөөр яг ямар ажил хийх гэж байна вэ? Бондын хүү өдөр бүр нэмэгдээд байгаа гэж зарим гишүүд ярьж байгаа?
- “Чингис” бондын хүү өдрөөс өдөрт нэмэгдсэн зүйл байхгүй. Монгол банкитай хамтарч  менежмент хийгээд тэр мөнгийг Монгол банкинд өгсөн.  Монгол банк өөрөө 2.7 тэрбум долларын нөөцтэй. Үүн дээр бондын 2.5 тэрбум долларыг нэмээд 4.5 тэрбум долларын сантай эргэлдэж байна. Бондоос болж өдөр бүхэн өчнөөн их алдагдал хүлээж байгаа гэдэг худлаа. Бид энэ мөнгөөр олон төсөл хэрэгжүүлнэ, үүнийгээ ч нээлттэй байлгана. Эхний ээлжинд  гурван төсөл бэлэн болчихсон байгаа. Тухайлбал зургаан аймгийн төвийг хатуу хучилттай замтай болгоно. Дөрвөөс бусад нь тендер нь зарлагдаад хийх зээнтэй болчихсон. Дорнод, Хөвсгөл, Өмнөговь, Дундговь гэсэн аймгуудын тендер хараахан дуусаагүй байгаа.

- Шатахууны үнийг бууруулахын тулд “Роснефт”-тэй хэлэлцээр хийхээр ажлын хэсэг гаргасан. Энэ ажил ямар хэмжээнд явж байгаа вэ?
- Монголчуудын авч байгаа шатахууны үнэ Оросын бусад оронд гаргадаг үнээс дунджаар 300 доллараар илүү байгаа. Тиймээс Шинэчлэлийн Засгийн газар бид яагад бусдаас илүү өндөр үнээр аваад байгаа шалгааныг тодруулж “Роснефт”-тэй ярилцахаар ажлын хэсэг гаргаж явуулсан байгаа. Засгийн газрын зүгээс анхны яриа, хэлэлцээрийг эхлүүлсэн. Үүнээс гадна бид өөрдсөө яаж нефт импортлогчдоо дэмжих вэ гэдгээ бодож жижиглэнгийн худалааны үнийг барих, бууруулах хэрэгтэй.  Засгийн газраас шатахуун оруулж ирдэг 13 компанид 93 тэрбумын татаас өгч байна. Банкнаас зээл авахаар хүнд байна гэхээр нь ийм арга хэмжээ авсан. Хэдийгээр 13 компани байгаа ч үнэнэдээ хоёр, гурван компани л дийлэнхийг нь оруулж ирдэг учраас бас хүндрэл байгаа. Эхний ээлжинд шатахууны бөөний, жижиглэнгийн үнийг ялгах тухай хуулийн төсөл боловсруулж байна.

- Тавдугаар цахилгаан станц барина гэж Засгийн газраас шийдсэн ч 4, 5 жилийн дараа баригдахаар байгаа. Энэ хооронд улам нэмэгдэж байгаа тог, цахилгааны хэрэглээг яаж зохицуулах вэ?
- Жилийн нэгдүгээр сарын тавнаас хорин хүртэл Улаанбаатар хотын хамгийн их цахилгааны ачаалалтай үе байдаг. Үүнийг бид даваад гарчихсан. Одоо Цагаан сарын баярын битүүний өдөр ачаалал нэмэгдэж магадгүй байна.   Цахилгаан станцыг барихад долоо хэмжиж, нэг огтолж байж шийдвэр гаргасан. Хаана барих вэ гэдэг асуудал дээр удаан ярьсны эцэст Багануурт барихаар шийдсэн. Гэтэл Улаанбаатар хотод цахилгааны хомсдол байгаад байдаг. Ялангуяа хотын зүүн хэсэг Амгаланд цахилгаан хэрэгтэй. Тиймээс Ургах наран хороололд барихаар тохирсон.  Гэтэл өмнөх Засгийн газрын үед Тавдугаар цахилгаан станцыг 3-р станцын суурин дээр барина гээд тендер шалгаруулсан байсан. Тиймээс дахиж тендер зарлаж цаг алдахгүйн тулд тэр шалгарсан компаниар хийлгэе гэсэн ч бас асуудал гарсан. Дэлхийн жишгээр цахилгаан станцыг нэг мегаваттаар хэмжиж барьдаг, дундаж үнэ нь 2 сая доллар байдаг. Гэтэл тэр компани нь 2.5 сая гэж байгаа. Тиймээс цаг хожъё гэвэл илүү үнэтэй болох гээд байгаа юм.

- Иргэдийг орон сууцжуулах ажил юу болж байна вэ?
- Засгийн газраас иргэдийг орон сууцжулах хороо байгуулагдаж гуран ажлын хэсэг гаргсан байгаа. Гэр хорооллыг яаж дахин төлөвлөх вэ, урт хугацаанд иргэдийг орон сууцжуулахын тулд зээлийг яаж олгох вэ гэсэн бодлого гаргахаар ажиллаж байна. Зургаан хувийн зээлээр маш хямдхан байр авна гэсэн нь өнөөдөр эсрэгээрээ мкв-ын үнэ өсчихлөө. Зургаан хувийн хүүтэй, нэг мкв нь 1 500 000 мянгаар авах, 12 хувийн хүүтэй зээл аваад нэг мкв-ыг нь сая төгрөгөөр авах яг адил болсон.  Засгийн газраас хазаар жолоогүй өсч байгааг нь сааруулах бодлого хайж байна. Үүний нэг нь барилгын компаниудыг дэмжье. Дэд бүтэц, гадаах цэцэрлэгийг нь засгаас  хийж өгье. Банкнаас хамаагүй бага хувийн хүүтэй зээл өгнө. Харин үүнийхээр хариуд мкв-ын үнээ буулгах ёстой гэсэн тохироо хийнэ гэсэн бодлого гаргаж байна. Хоосон тоогоорр хөөцөлдөж хүний амьдралыг баллаж байна шүү дээ.

- Эх, хүүхдийн эрүүл мэндийг хамгаалахад чиглэсэн ямар ажил хийж байгаа вэ?
- Аймгийн төв бүрт оношлогооны төхөөрмжтэй болох тухай ярилаа. Элэг шилжүүлэн суулгах мэс заслыг Монголд хийдэг болохоор өнгөрсөн онд хоёр тэрбумын асуудлыг шийдсэн. Мөн манайд цусны өвчтэй хүн ямар ч эмчилгээ байдаггүй. Тиймээс чөмөг шилжүүлэн суулгах мэс заслыг эндээ хийдэг болохоор өнгөрсөн сард хоёр тэрбумыг төсөвлөхөөр болсон. Үүнээс гадна эхийн гэдсэнд байгаа таван сартай ураг, төрөдө нэг сар болсон хүүхдүүдэд анхаардаг оношлогооны төв байгуулна. Ураг гажигтай төрж байгаа учраас бүр эхнээс нь оношийг тогтоодог болно гэсэн үг. Бид 200 гаруй зүрхний эмгэгтэй хүүхдийг Солонгос явуулж эмчлүүллээ. Харин одоо энэ төвд жилийн дараа гэхэд зүрхний хагалгаа хийдэг болно гэж төлөвлөсөн.