“Зөөлөн зөөлөн замбуулин”, “Хосын хорвоо”, “Хос шарга” зэрэг уран бүтээлийг хүргэсэн ая зохиогч, дуучин, СТА Н.Баасандорж шинэ цомгоо гаргажээ. Удахгүй сонсогчдын хүртээл болох “Хайрын өдрүүд” цомог нь түүний дөрөв дэх бие даасан цомог юм. Тус цомогт 20 гаруй дуу багтсан бөгөөд дуучин МУГЖ Д.Батбаяр, С.Жавхлан, МУСТА Э.Төрмандах, П.Идэржавхлан, А.Хосбаяр, Э.Энх-Эрдэнэ, Д.Найдандорж зэрэг дуучидтай хамтран ажилласан гэнэ.