Нөөцийн махыг гуравдугаар сарын 15-наас худалдаанд гаргана гэж байсан ч энэ жил эрт зарж эхэлжээ. Учир сар шинийн баярыг утгаж  махны эрэлт нэмэгдэж, үнэ өсдөг. Эрэлтээс хамаарч үнэ савлахгүй байх талд анхаарч, Засгийн газраас махны үнийн хөөрөгдлийг тогтвортой барих, эрэлтийг нэмэгдүүлэхгүй байх үүднээс нөөцийн махаа зах зээлд ийн эрт зах зээлд нийлүүлсэн байна.
 
2013 онд Улаанбаатар хот, Дархан-Уул, Орхон аймаг зэрэг төв суурин газрыг оролцуулаад 10253 тонн мах худалдах юм байна. Мөн ирэх хоёрдугаар сарын 10 гэхэд нөөцийн махыг 14 мянган тонн болгож нэмэгдүүлэх аж.


 “Жаст агро” баталгаат 4331 тонн, гэрээт агуулахад 3484, орон нутагт 478 тонн мах бэлтгэсэн.”Баатруудын тэнгэр” ХХК 1025 тонн, “Эрдмийт” ХХК 934 тонн нийт 10 мянга гаруй тонн мах бэлтгээд, худалдаанд гаргаж эхэлсэн.
 
Цагаан сарын өмнө нөөцийн махыг аучераар олгохгүй аж. Үйлдвэр хөдөө аж ахуйн яамныхан нөөцийн махаа ямар байдлаар борлуулбал зохих талаар туршилт хийжээ. Хонь, ямааны махыг жижиглэнгээс илүүтэй гулууз, өрөөлөөр авч байсан тул Цагаан сар хүртэл жижиглэж борлуулах гэнэ. Үнийн хувьд өнгөрсөн оныхтой харьцуулахад 1950-2850 төгрөгөөр нэмэгджээ.