Пентагоны тэргүүн Лион Панетта өчигдөр эмэгтэйчүүдийг дайн тулаанд оролцуулахгүй байх 1994 онд батлагдсан хуулийн хоригийг цуцалж байгааг мэдэгдлээ. Ингэснээр эмэгтэйчүүд зэвсэгт хүчинд зөвхөн арын алба хаших биш эрчүүд шиг байлдах болж байна. Тэрбээр 2016 он хүртэл эмэгтэйчүүд цэргийн ямар ч албан тушаалд ажиллахад нээлттэй байх шийдвэрийг танилцуулжээ. Зарим зөвхөн эрчүүд ажилладаг усан цэрэг тусгай ажлын байрыг ч энэ жилийн сүүлээр эмэгтэйчүүдэд нээлттэй болгох юм байна. Армийн удирдлагууд гуравдугаар сарын 15 гэхэд хэдэн ажлын байрыг хэзээ гэхэд нээлттэй болгож, хэдэн эмэгтэй цэргийг ажилд авах бололцоотой вэ гэсэн тооцоо, төлөвлөгөөг Пентагонд ирүүлэх аж. Жилийн өмнө тулаанд орох эрхийг нь нээснээр 14,500 эмэгтэйд ажлын байр бий болох тооцоо гарч байжээ. Одоогоор эмнэлэг, оффисийн ажлын байранд эмэгтэйчүүд ажиллаж байна.

   АНУ-д цэргийн байгууллагад ажиллдаг 1,4 сая хүний 14 хувь нь эмэгтэйчүүд байдаг аж.