СХД-ийн Ардчилсан Нам Намын хорооны ээлжит бус хурлаа хийжээ. Ээлжит бус хуралд хүрэлцэн ирсэн Намын хорооны гишүүд СХД-ийн АН-ын удирдлагад итгэл үзүүлэх эсэх асуудлыг “АН-ын гишүүний хариуцлагын журмын 5.3”-д заасны дагуу хэлэлцэн, санал хураалт явуулснаас хуралд оролцсон гишүүдийн 96,4 хувь нь “Итгэл үзүүлэхгүй” гэж санал өгсөн байна.

Санал хураалтын дүнг үндэслээд СХД-ийн АН-ын удирдлагыг шинэчлэх асуудлыг хэлэлцэж, санал хураалтаар доорх гишүүдийг дүүргийн Ардчилсан намын удирдлагаар дэвшүүлж, гишүүдийн санал хураалтын дүнгээр СХД-ийн Ардчилсан намын даргаар Ө.Пүрэвбаатарыг, Дэд даргаар Д.Цогтбаатар, М.Зундуйдаваа, Б.Мөнхгэрэл,Ш.Даваажав нарыг, Хэрэг эрхлэх газрын даргаар Ч.Төмөрийг сонгож, намын хорооны тогтоолоор баталгаажуулсан байна.