УИХ-ын өнөөдрийн чуулганаар МАН болон АН-ын хооронд маргаан үүсгээд байсан гишүүдийн ирцийн тухай буюу УИХ-ын тухай хуульд нэмэлт, өөрчлөлт оруулах тухай хуулийн төслийг хэлэлцэж, анхны хэлэлцүүлэгт 71 хувийн саналаар дэмжлээ. Ингэснээр тухайн нам, эсвлийн бүлгийн ирцээ найман удаа 50 хувиас дээш бүрдүүлж чадаагүй бол татан буулгах тухай заалт оруулахаар хэлэлцэж байгаа юм. МАН-ын бүлгийн гишүүд хурууны хээгээр ирцээ бүртгүүлж, саналаа өгдөг байя гэсэн хуулийн төсөл боловсруулсан ч олонхи дэмжээгүй юм. Энэ хоёр саналыг нэтгэж хэлэлцээгүйд МАН-ын бүлгийн гишүүд бухимдалтай байгаа юм.

  УИХ-ын гишүүн С.Бямбацогт "Аливаа нэг асуудлыг эсэргүүцэлгүйгээр хариуцлагатай байх хэрэгтэй байна. Өнөөдөр ч мөн ирц хүрэхгүй байна. Энэ танхимд 43 гишүүн сууж байна. Тиймээс бид ирцээ хүргэж, ажилдаа хариуцлагатай хандах хэрэгтэй байна. Ирцээ бүрдүүлэхийн тулд хурууны хээгээр цаг бүртгэдэг байх нь хамгийн чухал юм. Төрийн албан хаагчид бүгд 08.00 цагт ажилдаа ирж, хурууны хээгээр цагаа бүртгүүлдэг. Гэтэл бид 10.00 цагт чуулганы хуралдаанд ирэхдаа хурууны хээгээр бүртгүүлдэг байх нь зүтэй. Тиймээс МАН-аас өргөн барьсан хурууны хээгээр цаг бүртгэх төслийг тэмжиж өгөөч гэсэн саналыг дэвшүүлсэн" гэлээ. Гишүүдийн ирцтэй холбоотой хуулийн төслийг Цагаан сарын баяраас өмнө эцэслэн шийдвэрлэхээр болоод байна.