“Монгол кино” үйлдвэрийн газрыг хууль бусаар зарж мөнгийг нь хувьдаа завшсан гэх кино нэгтгэлийн захирал Ж.Солонгыгахмад киночид АТГ өгөхөөр болжээ. Кино үйлдвэрийн ахмад ажилчид болон киноны салбарын ажилчид Ж.Солонгыг кино урлагийн төлөө юу ч хийгээгүй. Тэр ч байтугай энэ салбарт зориулсан мөнгөнөөс багагүй завшдаг гэж хэлж байгаа. Тухайлбал Япон улсад болсон кино өдөрлөгийн үеэр Монголоос оролцсон 10 киноны 69400 ам.долларыг өөрийн дансанд хийсэн байсан нь хүртэл илэрч байсан. Гэвч энэ хэргийг хэрэгсэхгүй болгож хааж байжээ. Ер нь Ж.Солонго нь хуулийн байгууллагад дийлддэггүй. Энэ талаараа ч ахмадуудад “Та нар намайг дийлэхгүй” гэж шууд хэлдэг гэнэ. Түүнийг огцруулах талаар ахмадууд олон жил ярьж, хэлж байгаа ч үнэхээр дийлэхгүй байгаа. Иймээс хууль хяналтын байгууллагад хандан Ж.Солонгыг шалгуулахаар АТГ өгч байгаа юм байна.

 Кино мэргэжилтнүүдийн хэлж буйгаар Ж.Солонго нь улсын өмчөөр олон жил тоглож байгаа бөгөөд кино үйлдвэрийг ашиглан хууль бусаар олж авсан ашиг их бий аж. Тухайлбал, Кино үйлдвэрийн хашаанд боссон орон сууцны компаниудаас тус бүрээс нь 10 байр авах гэрээ хийж, үйлдвэрийн газрыг өгсөн байна. Энэ талаар ажилчдадаа мэдэгдээгүйгээс гадна мөнгийг нь өөрөө авсан байна.