Энэ сарын 15-нд гэрээсээ гараад ор сураггүй алга болсон Дорнод аймгийн иргэн 55 настай М.Баярцогтын цогцсыг Улаанчулуутын хогийн цэгээс олсон хэмээн зарим сайтаар мэдээлжээ.
    Энэ сарын 15-нд гэрээсээ гараад ор сураггүй алга болсон Дорнод аймгийн иргэн 55 настай М.Баярцогтын цогцсыг Улаанчулуутын хогийн цэгээс олсон хэмээн зарим сайтаар мэдээлжээ. Энэ талаар ЦЕГ-ын албаны эх сурвалжаас тодруулахад, "Жолоочийг олоогүй байгаа. Эрэн сурвалжлах ажиллагааг үргэлжлүүлж байгаа" гэлээ.

    Хэргийг сануулбал, Сураггүй алга болсон М.Баярцогтыг цагдаагийнхан эрэн сурвалжсаны эцэст Сонгинохайрхан дүүргийн нутаг, Улаанчулуутын хогийн цэгээс нэгдүгээр сарын 17-ны 07.00 цагийн үед түүний “Мitsubishi dingo” маркийн 38-98 ДОР улсын дугаартай автомашин нь шатсан байсныг олсон юм.

    Шинжээчид машиныг дэлбэрээгүй, дотроос нь зориудаар шатаасан байна гэх дүгнэлт гаргасан юм.

    Тэрээр цагаан сарынхаа бэлтгэлийг базаах, шинэ машин авахаар Улаанбаатарт ирээд байжээ.
    
    Уг хэргийн талаар цагдаа, прокурорын байгууллагын эх сурвалж “Улаанчулуутын хогийн цэгээс шатсан машин олдсон хэрэгт эрүүгийн хэрэг үүсгэн шалгаж байна. Хэргийн газрын үзлэг хийхэд шатсан машинд хүн байгаагүй. Гэхдээ машиныг гаднаас нь галдан шатаасан нь тогтоогдсон. Лавшруулан үзлэг хийхэд арын суудлаас цус болсон тоосго олдоод байна. Автомашины эзэн хаана байгаа нь тодорхойгүй учраас цус хэнийх вэ гэдгийг одоогоор тогтоох боломжгүй байгаа.

    Мөн уг хэрэгт сэжиглэгдэж байсан хоёр иргэнийг батлан даалтад гаргаад байгаа билээ.