Эрчим хүчний дэд сайд М.Сономпил өнөөдөр Өмнөговь аймагт ажиллахаар болжээ. Тус аймгийн хувьд энэ сарын 07-ноос эхлэн эрчим хүчний хязгаарлалт хийгдэж, өдий болтол шийдэгдээгүй байна. Аймгийн төвийн болон сумдын хүн амын төвлөрлөөс үүдээд тогны хэрэгцээг хангаж чадахгүй байгаа учраас тодорхой цагуудад эрчим хүчний хязгаарлалт хийж байгаа аж. Засгийн газраас ямар нэг шийдвэртэй арга хэмжээ авахгүй бол нутгийн удирдлагын хэмжээнээс хэтрээд байна гэж тус аймгаас мэдээлсэн.

  Өмнөговь аймгийн цахилгаан станц ашиглалтад орсон цагаасаа л доголдолтой ажилласаар ирсэн, байнга тог тасарсаар иргэд нь лаа барин амьдрах болсон аж. Тиймээс Эрчим хүчний сайд нөхцөл байдалтай танилцах юм байна.