Энэ жилийн нөөцийн мах худалдаанд гарсан билээ.  Махны нөөцийн менежерээр “Жаст агро” компани ажиллаж байгаа аж. Тус компани нийслэлчүүдийн хэрэгцээнд зориулж 12 мянган тонн мах нөөцлөх ёстойгоос одоогийн байдлаар 9000 тонныг бэлтгэж хадгалаад байгаа юм. Томоохон худалдааны төвүүд болох “Мишээл экспо”, “АСА” цирк, “Хархорин”, “Хүчит шонхор” -оор дамжуулан үхрийн мах нэг килограмм нь 5700, хонины махыг гулуузаар нь нэг килограмм нь 5200, ямааны махыг нэг килограмм нь 4200 төгрөгөөр борлуулж байгаа юм. Харин жижиглэнгийн үнэ нь үхрийн мах 5950, хонины мах 5750, ямааны махыг 4600 төгрөгөөр худалдаалж байна.