Боловсрол, шинжлэх ухааны яамнаас төрийн өмчит их сургуулиудын захирлын сонгон шалгаруулалтыг энэ сарын эхээр  зарласан билээ.   МУИС, ХААИС, ШУТИС, ЭМШУИС-ийн  захирлын албан тушаалд өрсөлдөгчдийн баримт бичгийг  өчигдрийн 18.00 цаг хүртэл хүлээн авч тасалбар болгожээ.  Эдгээр иргэдийн материалыг БШУЯ-ны Төрийн нарийн бичгийн даргын тушаалаар томилогдсон комисс нэгдүгээр сарын 31-нээс  шалгаруулах ажилдаа орох юм байна. Сонгон шалгаруулалтад МУИС-иас 10, ХААИС-иас 10, ШУТИС-иас 14, ЭМШУИС-иас 16 нийт 50 хүн нэрээ дэвшүүлж  материалаа ирүүлсэн байна.