Нийслэлийн боловсролын газар оны шилдэг сургууль, цэцэрлэг, тэргүүний багш нараа шалгарууллаа.
“Оны тэргүүний сургууль”-аар ЧД-ийн Ататуркийн нэрэмжит V сургууль, Гадаад хэлний гүнзгийрүүлсэн сургалттай 18-р сургууль, БЗД-ийн төрийн бус өмчийн “Оюунлаг сургууль”, “Оны тэргүүний төв”-өөр БЗД-ийн “Гэгээрэл хөгжлийн төв”, “Оны тэргүүний цэцэрлэг”-ээр СХД-ийн 100 дугаар цэцэрлэг, “Оны шилдэг нийгмийн ажилтан”-аар БГД-ийн 51-р сургуулийн нийгмийн ажилтан Ж.Оюунцэцэг нар тус тус шалгарлаа. Харин “Оны тэргүүний багш”-аар БЗД-ийн 92-р сургуулийн химийн багш Ч.Энхжаргал, СХД-ийн “Ирээдүй” цогцолбор сургуулийн түүх, газарзүйн баш С.Энхчимэг, “Ирээдүй” цогцолбор сургуулийн 2-р дунд сургуулийн технологийн багш П.Хайдавринчин, физикийн багш Ч.Элбэгзаяа, БГД-ийн 47-р сургуулийн орос хэлний багш Р.Бямбадулам, ХУД-ийн 41-р цэцэрлэгийн багш Э.Батнавч, ЧД-ийн 50-р сургуулийн бага ангийн багш А.Дайриймаа, БНД-ийн “Гүн галуутай” цогцолбор сургуулийн монгол хэл, уран зохиолын багш Д.Шүрэнтогтох нар шалгарлаа. Шагналыг Нийслэлийн боловсролын газрын дарга Ц.Отгонцагаан тэргүүтэй хүмүүс гардуулсан байна.