Монгол Улсын ардын багш, техникийн шинжлэх ухааны доктор, профессор Ч.Авдайд ШУТИС-ийн хүндэт доктор цолыг тус сургуулийн ректор, профессор Т.Батбаяр өчигдөр гардууллаа. Цол гардуулах ёслолын ажиллагаанд ШУТИС-ийн эрдэмтэн багш нар оролцож, түүний намтар, гавьяа шагнал, ажил хөдөлмөрийг танилцуулсан юм. Тэрээр инженер техникийн мэргэжлийн боловсон хүчин бэлтгэх, чацаргана хураах, ноос арьс шир боловсруулах техник, технологийн асуудлаар голлон судалгаа хийдэг. Ч.Авдай гуай 100 гаруй өгүүлэл, 40 орчим ном хэвлүүлжээ.