Шинийн 3-ний билэгт сайн өдөр Дорноговь аймгийн Дэлгэрэх сумын малчин н.Бадгарын хотонд ихэр ботго мэндэлсэн байна.  Монголчууд ихэр ботго мэндлэх нь тэр жилийн өнгө сайхан гарч байна хэмээн эртнээс билэгшээсээр ирсэн билээ.

Малчдын ярьж буйгаар ботго ихэрлэх нь өнтэй сайхан хаваржихын бэлгэдэл юм байна. Мөн газар дэлхий, байгал эх хайр хишгээ харамгүй хайрлан талын Монголд ботго ихэрлүүлсэн нь сүүлийн 30 жилд ховорхон тохиолдол байлаа хэмээн настангууд билэгшээж байгаа аж. Тус аймгийн удирдлагууд малчны хотонд айлчилж мянгат малчин Бадгарын хот айлд хүндэтгэл үзүүлсэн байна. Ихэр ботго эсэн мэнд бойжиж байгаа аж.