Сар шинийн баярын өмнөхөн Өвөрхангай аймгийн Хайрхандулаан суманд хүн амины ноцтой хэрэг гарсан. Тодруулбал, тус сумын иргэн Б сайн малчин цол хүртсэн Г-г 12 удаа хутгалж, зэрлэгээр хөнөөсөн юм.
    Сар шинийн баярын өмнөхөн Өвөрхангай аймгийн Хайрхандулаан суманд хүн амины ноцтой хэрэг гарсан. Тодруулбал, тус сумын иргэн Б сайн малчин цол хүртсэн Г-г 12 удаа хутгалж, зэрлэгээр хөнөөсөн юм. Тиймээс сумын цагдаагийн хэлтсээс түүнийг цагдан хорьж, эрүүгийн хэрэг үүсгэн шалгаж эхэлжээ. Хэргийн талаар аймгийн цагдаагийн хэлтсээс тодруулахад "Хэргийг дөнгөж шалгаж эхэлж байгаа учраас дэлгэрэнгүй мэдээлэл өгөх боломжгүй байна" гэлээ.

    Хэргийг сануулбал, тус сумынхан энэ сарын 9-нд буюу битүүний өмнөх өдөр мянгат малчнаа тодруулсан байна. Сумын сайн малчин цолоор тус сумын иргэн Г тодорчээ. Тэрээр батламжаа авчихаад "Энэ жилийн батламж их сайхан хийцтэй болсон юм байна" хэмээн хүмүүст үзүүлэн, хамаатан садан, найз нарынхаараа орж айраг уусан аж. Улмаар 19.00 цагийн үед гэрийн зүг хөдөлжээ. Харин харих замдаа саахалтын айлын Б-тэй таарсан байна. Б тэр үеэр гэрээсээ малаа хариулахаар гарсан байжээ. Тэд уулзаад хоорондоо маргалдаж, сумын хогийн цэгийн ойролцоо байдаг карьерын тэнд очсон байна. Улмаар иргэн Б нь сайн малчин цол хүртсэн Г-г 12 удаа хутгалж зэрлэгээр хөнөөжээ. Цагдаагийнхан цогцост үзлэг хийж, дээлийнх нь өврөөс сайн малчны батламж гарч ирснээр хохирогчийг илрүүлсэн байна. Түүнийг урдаас нь 11 удаа, араас нь нэг удаа хутгалж танигдахааргүй болгосон байжээ.

    Нутгийн иргэдийн ярьж буйгаар Б нь Г эхнэртэйгээ хардсанаас уг хэргийг үйлдсэн гэжээ. Мөн "Яагаад ийм айхтар хэрэг болдог байна. Хэн, хэн нь ялгаагүй хэрэг товогт орооцолдохооргүй тохьтой улсууд байсан даа" хэмээн ярьжээ.

    Б нь хэрэг үйлдчихээд үйлдчихээд дэлгүүр орж нэг шил архи, арван мянган төгрөгийн нэгж аваад гарсан аж. Тэгээд архиа ганцаараа ууж, ах, дүү нар руугаа утсаар ярьжээ. "Би хүн алчихлаа. Гурав хутгалахад хүн чинь амь өршөө гэж гуйдаг юм байна. Гүйцээгээд 12 удаа хутгалчихлаа. Одоо эхнэрээ ална" гэж  хэлээд утсаа тасалж, гэр рүүгээ явсан байна. Түүнийг гэртээ ирэхэд эхнэр нь хамаг юмаа аваад зугтаасан байжээ. Эхнэрээ байхгүй болохоор нь өөрөө цагдаагийи газар руу утсаар ярьж хүн алснаа хүлээсэн байна. Мөн цагдаагийн газар ирээд "Цогцост задлан шинжилгээ хийх шаардлагагүй. Би яг 12 удаа хутгалсан" гэж хэлсэн хэмээн нутгийн иргэд ярьжээ.