Буйдан дээр суугаад удирдлагын товчлуурыг угсруулан дарсаар суугаа хайрт залуугаа сүүлийн үед нэг л сайн мэддэггүй, таньдаггүй юм шиг сэтгэгдэл төрөөд байна уу? “Аливаа хүнийг өнгөрснөөр нь биш мөрөөдлөөр нь шинж” гэсэн үг байдаг. Гэхдээ тэр бол энгийн хүмүүсийн харилцаанд эсвэл хайр дурлалын харилцааны эхэн үед л хүчинтэй байдаг болов уу. Хайртай залуугаа биднээс чухал ч бай чухал биш ч бай юм битгий нуугаасай гэж хүсдэг эмзэг нандин бүсгүй л хүмүүс шүү дээ бид чинь.

Мөрөөдлөө хуваалц
Хоёулаа хоёр талд суугаад цаасан дээр өөрсдийнхөө 5 ширхэг хүсэл мөрөөдлийг бичнэ. Дууссаныхаа дараа нэг нэгнийхийгээ таана. Магадгүй чи заримыг нь ядах юмгүй таах байх харин заримыг нь олж мэдээд гайхаж магадгүй юм шүү. Араб хэл сурах, хүүхэдтэй болох гэж байх ч юм билүү?

Өнгөрсөн амьдралынхаа бүтэлгүйтлүүдээс хуваалц
Дурсамжаа хуваалцах нь ямар ч хүмүүсийг хооронд нь дотно холбоогоор холбож байдаг. Баргийн хүнд хэлээд байдаггүй \нууж явдаг\ хөгжилтэй хэрнээ, тэнэгдүү бүтэлгүйтэл, эсвэл бүр гунигт дурсамжаа хуваалцах нь бүр ч илүү дотно сэтгэгдлийг төрүүлдэг.Үүний тулд бас цаас аваад 5 дурсамж бичээд нэг нэгэндээ түүнийхээ талаар ярьж өгөөрэй.

“No sex” долоо хоногийн аян
Секс хосуудын харилцааг улам дотно болгодог гэдэг. Харин сексгүй байх хэсэгхэн хугацаа ч гэсэн та хоёрын харилцааг дотно болгож магадгүй. Энэ хооронд сексгүйгээр та хоёлын харилцаа ямар байхыг нэг шинжээд үзээрэй.

Түүний сонирхолд дурла
Түүний цагаа өнгөрөөх дуртай газар, спорт, тоглоом зэргийг нь ганц удаа ч болов туршиж үз. Тэгээд түүний ямар мэдрэмж авдгийг нь сонс. Өөрийнхтэйгөө харьцуулж үз. Магадгүй чамд таалагдана. Дараа нь түүнийхээ сонирхолыг ойлгож өөртөө цаг гаргахад нь туслаарай.

Ижил сонирхолтой бол
Та хоёр хамтдаа дурлаж болох зүйлийг ол. Керамик урлал, тогоочийн курс, номын клубууд ч бай болно. Үүгээр дамжуулаад шинэ зүйлд хэрхэн ханддаг тэр хандлагыг нь мэдэж болно. Магадгүй түүнийг огт өөр өнцгөөс харах ч байх.