МИАТ-ын “Дайны эрсдэлийн даатгал” хэмээх луйврын хэрэгт есөн хүнийг ШШГЕГ-ын харьяа хорих 461 дүгээр ангид саатуулан шалгаад буй. Тодруулбал, "Монголиан Эйрлайнес" компанийн эзэн Ч.Хоролсүрэн, түүний төрсөн дүү Ч.Суурьтогтох, Н.Гантөмөр, МИАТ ХК-ийн гүйцэтгэх захирлын албан тушаалыг хашиж байсан гавьяат нисгэгч Р.Бат-Эрдэнэ, Б.Эрдэнэбилэг, Ц.Орхон болон түүний эхнэр Ү.Цэцэгмаа, Төрийн өмчийн хороонд ажиллаж байсан С.Батхишиг, МИАТ-ын захирал асан Б.Эрдэнэбилэгийн төрсөн дүү Б.Мандахбаяр нарын есөн хүнийг саатуулан мэдүүлэг авч эхлээд байгаа юм. Харин Зам тээврийн сайд А.Гансүх өөрийн твиттер хуудаснаа “Хуваарьт бус нислэгийн газрын үйлчилгээний төлбөрийг хувьдаа завшиж байсан хэрэг МИАТ дээр илэрч байна. Энэ хэргийг шалгаж байна. Нэлээд асуудал гарах байх” хэмээн бичжээ.
Сэтгэгдэл (6)