"Тамхины хяналтын тухай" хууль ирэх сарын 1-ээс хэрэгжиж эхэлэх гэж буйтай холбогдуулан Хууль зүйн дэд сайд Э.Эрдэнэжамъян ЦЕГ болон НЦГ-ын холбогдох албан тушаалтнуудыг энэ сарын 20-ны өдөр хүлээн авч уулзлаа.


Дэд сайд тус уулзалтанд дээрх хуулийг хэрэгжүүлэхэд цагдаагийн байгууллага онцгой анхаарах ёстой гэдгийг онцлоод, зөвшөөрөлгүй цэгт тамхи татаж байгаа иргэдийн талаарх мэдээллийг тусгай дугаарын утсаар авах, мөн facebook-д хаяг нээж, иргэд мэдээллээ шууд оруулдаг болох талаар судалж үзээд ажил хэрэг болгохыг даалгав.