"Дүнжингарав-2013" хаврын бүсийн уралдааны хурдан азарга барианд орлоо.

Уралдаанд адуун сүргийн манлай 250 гаруй хурдан азарга шандас сорьсноос Төв аймгийн Баяндэлгэр сумын уугуул, “Монгол Жоки” клубын уяач Г.Дашзэвэгийн зээрд халзан азарга түрүүлж, торгон жолоогоо өргүүлэв. "Дүнжингарав-2013"-ын аман хүзүүнд Дундговь аймгийн Өлзийт сумын уугуул, "Мон Уран"  ХХК-ийн захирал, ААУяач Б.Наранхүүгийн монгол хээр давхилаа. Харин "Дүнжингарав-2013" бүсийн уралдааны айргийн гуравт Говь-Алтай аймгийн Шарга сумын уяач Н.Зоригтын Хар давхив. Хар азарга 2011 оны Нүүрэнтэй бүсийн уралдаанд айрагдаж, 2012 онд мөн Нүүрэнтэйд айрагдж байсан.

Түүнчлэн айргийн дөрөвт Завхан аймгийн Тосонцэнгэл сумын харьяат "Уулс трейд" Т.Галбадрахын зээрд халзан, айргийн тавд Дорнод аймгийн Баяндун сумын харьяат АА уяач П.Цэгмидийн хүрэн азарга тус тус хурдалж, уясан эзэн, унасан хүүхдээ баярлуулсан юм. Харин яг одоо Их насны морьд уралдаж байна.