Нийслэлийн Цагдаагийн газраас жил бүр орон гэргүй тэнэмэл иргэдийг тоолж, судалгаа явуулдаг “Тэнэмэл” арга хэмжээг зохион байгуулдаг уламжлалтай. Энэ дагуу нийслэлд  амьдарч буй тэнэмэл, орон гэргүй иргэдийг тоолж, бүртгэл судалгааг хийсэн байна. Өнгөрсөн онд энэхүү судалгаагаар 614 орон гэргүй иргэн бүртгэгдсэн бол энэ жил 643 иргэн бүртгэгдэгдсэн аж. Тэдгээрийн 86 нь эмэгтэй, 585 нь эрэгтэй хүмүүс байжээ. Тэдний дунд хүүхэдтэйгээ гадуур орц, хонгил, траншейнаар хоног төөрүүлдэг 10 гэр бүл байгаа юм байна. Эдгээр орон гэргүй иргэдийн дийлэнх нь 18-35 насныхан бөгөөд хөгжлийн бэрхшээлтэй иргэд ч байгаа гэнэ. Орон гэргүй эдгээр иргэдийг гэмт хэрэг, зөрчлөөс урьдчилан сэргийлэх зорилгоор бүртгэж, мэдээллийн цахим санд шинэчлэн бүртгэх, мэргэжлийн чиг баримжаа олгох сургалтад хамруулах, эрүүл мэндийн үзлэгт хамруулах зэрэг арга хэмжээг аяны хүрээнд явуулдаг юм байна.