Монгол Улсын Ерөнхийлөгч Ц.Элбэгдорж өөрийн твиттер хуудаснаа цусаа хандивлахыг уриалж жиргэлээ. Тэрээр бичихдээ “Цусны төвд цусны хангалт багасчээ. Цусаа өгч амьдрал бэлэглээрэй. Санаачлага гаргаарай. Эх орноосоо энэ биеэ ч харамлалгүй байлдаж байсан дайчдынхаа хойч үе бид дусал цус харамлна гэж үү. Бүгдээрээ цусаа өгцгөөе. Ерөнхийлөгчийн уриалгыг дэмжин цусаа бэлэглэхээр шийдсэн бол өглөө бүрийн 08.00-13.00 цагийн хооронд Цусны төвд хүрэлцэн ирнэ үү” хэмээн бичсэн байна.

Донор хүн цусаа хандивлахад юуг анхаарах ёстойг тэрээр мөн сануулжээ. Тэрээр:

  Бид эрүүл байж бусдад амьдрал бэлэглэх нь хамгийн чухал. Та 17-60 настай, 45 дээшжинтэй, ямарнэгөвчингүйболцусныдонорбайжболно.

    Та хүний амь аврахаар шийдсэн бол цусаа бэлэглэхийн өмнө сайн унтаж амарч, хувийн ариун цэвэр сахиж шингэн зүйл ахиу уугаад бичиг баримттайгаа Цусны төвд ирэх хэрэгтэй.

    Цус өгөхөөс өмнө дараах зүйлсийг хэрэглэхийг хориглоно. Архи согтууруулах ундаа, тос ихтэй хоол, сүүтэй цай, сүүн бүтээгдэхүүн, эм, тариахэрэглэх, өнгөт ундаа, жимс.

    Цус өгснөөс хойш эрэгтэй хүн 2 сарын дараа, эмэгтэй хүн 3 сарын дараа дахин өгч болдог.

Мөн тэрээр Улаанбаатар хотод ЦССҮТ –ийн цус цуглуулах хэсэгт, Хөдөө орон нутагт аймгийн нэгдсэн эмнэлгийн цусны салбар банкинд өдөр бүр 08.00-13.00 хооронд цус цуглуулдаг гэдгийг твиттерээрээ тайлбарласан байна.