Төрийн ордны хуралдааны Г танхимд 10.00 цагаас УИХ-ын эмэгтэй гишүүд НҮБ-ын Хүүхдийн сантай хамтран ажиллах санамж бичигт гарын үсэг зурах бөгөөд хэвлэлийн бага хурал зарлав.

- “Road Expo Mongolia-2013” олон улсын үзэсгэлэн Буянт-Ухаа дахь спорт цогцолборт үргэлжилнэ.

 -Өнөөдөр 15.00 цагаас Үйлдвэр, хөдөө аж ахуйн сайд, УИХ-ын гишүүн Х.Баттулга, УИХ-ын гишүүн Ц.Нямдорж нарын маргааныг Хан-Уул дүүргийн шүүхэд хаалттай хэлэлцэнэ.

 -Ардчилсан намаас зохион байгуулдаг 4:11 уулзалт өнөөдөр 11.00 цагт тус намын төв байранд болно.

 -11.00 цагт ССАЖЯ-ны удирдлагууд, Төрийн өмчийн хорооны холбогдох хүмүүсийн хамт Лениний музейг хүлээн авах үйл ажиллагаа болно.

 -Шинэчлэлийн Засгийн газрын танхимын сайд нар хариуцсан салбарынхаа асуудлаар ээлжлэн нээлттэй мэдээлэл хийж байгаа. Өнөөдөр 12.00 цагт Төрийн ордон дахь Иргэний танхимд Хууль зүйн сайд Х.Тэмүүжин сэтгүүлчидтэй нээлттэй ярилцлага хийнэ.

-Өнөөдөр 12:00 цагаас Ерөнхийлөгчийн дэргэдэх Иргэний танхимд сэтгүүлчдийг АНУ-д сургах асуудлаар American Council байгууллага хэвлэлийн хурал зарлалаа. АНУ-ын Элчин сайд консулын хамт оролцоно.

- Өнөөдөр 10.00 цагт ”Шинэ Монгол” сургууль дээр ”Сурагчийн дүрэмт хувцасны шоу үзүүлбэр” болно.

-11.00 цагт Монгол Улсын төрийг 44 жил удирдсан Маршал, Улсын баатар Ю.Цэдэнбал агсны мэндэлсний 100 жилийг ойг тэмдэглэн өнгөрүүлэх талаар “Ю.Цэдэнбал академи”-аас мэдээлэл хийнэ.

-11.30 цагт Бизнес эрхлэгч эмэгтэйчүүдийн холбооноос “1000 ээжийн баяр”-ын арга хэмжээний талаар мэдээлэл хийнэ. Энэхүү уламжлалт баяр энэ жил 20 нас хүрч буй.

-12.00 цагт Хувиараа бизнес эрхлэгч 1000 гаруй иргэд нэгдэн Тамхины хяналтын тухай хуулийн 6.7.14 дүгээр заалтад “ЕБСийн хичээлийн болон дотуур байрнаас 500м-ийн дотор тамхи худалдаалахыг хориглоно” гэснийг 100 м болгон өөрчлүүлэх саналтай буйгаа илэрхийлж хэвлэлийн бага хурал зарлалаа. Тэд хуулиа дээдэлж, дэмжиж байгаа бөгөөд гагцхүү уг заалт нь олон сөрөг үр дагавар үүсгэж буйг онцоллоо.