УИХ-ын гишүүн З.Баянсэлэнгийг шалгах хүсэлтийг иргэдээс АТГ-т ирүүлжээ. Учир нь түүнийг “Өгөөмөр” хүүхэд асрамжийн төвд ямар ч шалгалтын удирдамжгүй ирээд тус төвийн тусгай зөвшөөрлийг хураан авч, ёс зүйгүй үйлдэл гаргасан хэмээн гомдол гаргасан байна.
    УИХ-ын гишүүн З.Баянсэлэнгийг шалгах хүсэлтийг иргэдээс АТГ-т ирүүлжээ. Учир нь түүнийг “Өгөөмөр” хүүхэд асрамжийн төвд ямар ч шалгалтын удирдамжгүй ирээд тус төвийн тусгай зөвшөөрлийг хураан авч, ёс зүйгүй үйлдэл гаргасан хэмээн гомдол гаргасан байна. Уг гомдлын дагуу АТГ шалгалт хийж, УИХ-ын гишүүн З.Баянсэлэнгийг буруутай гэж үзжээ.

    З.Баянсэлэнгэ гишүүн Улсын Их Хурлын тухай хуулийн долдугаар зүйлийн 7.1.23 буюу хууль, гишүүний ёс зүйг чанд сахих УИХ-ын гишүүний ёс зүйн дүрмийн хоёрдугаар зүйлийн 2.1.1-т заасан бусдын нэр төр, алдар хүнд, хууль ёсны ашиг сонирхлыг эрхэмлэн, хүндэтгэлтэй хандах зэрэг хэд хэдэн заалтыг зөрчсөн байна.
Тиймээс  АТГ иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн 13 дугаар зүйлийн 13.2 дахь хэсэгт заасныг үндэслэн УИХ-ын гишүүн З.Баянсэлэнгийн ёс зүйн зөрчил гаргасан гэх хэргийг шийдвэрлүүлэхээр саяхан УИХ-ын  Ёс зүйн дэд хороонд шилжүүлсэн байна.