Шударга өрсөлдөөн, хэрэглэгчийн төлөө газар, Замын цагдаатай хамтран том оврын автобус компанийн удирдлагуудтай уулзалт зохион байгуулсан байна. Уулзалтаар нийтийн тээврийн автобустай холбоотой гарч байгаа хэрэг зөрчил, иргэд хэрэглэгчдийн эрх ашиг ямар зүйл дээр хохирч байгаа талаарх мэдээллээ солилцжээ. Уулзалтын үеэр ШӨХТГ том оврын автобусыг 30-аас дээш насны туршлага, дадлагатай жолоочоор бариулах, буудлаа албан ёсоор зарлаж байх, автобусны ариун цэвэр тэр дундаа цонхны цанталтыг арилгаж байх шаардлага тавьжээ.