Маргааш олон улсын эмэгтэйчүүдийн эрхийг хамгаалах өдөр болно. Тус өдрийг угтан улс төр, нийгэм, урлаг соёлын салбарынхан салбарынхаа шилдэг эмэгтэйчүүдийн хийж бүтээсэн зүйлийг нь урамшуулдаг. Өнөөдөр Ерөнхий сайд Н.Алтанхуяг төрийн албанд зүтгэж буй нийт эмэгтэйчүүддээ баярын мэнд хүргэж мэндчилгээ дэвшүүллээ. Түүний хэлж буйгаар Төрийн өндөр албан тушаал хашиж буй эмэгтэйчүүдийн тоо наймаар нэмэгдэж 38 болжээ. Энэ нь Төрийн нарийг бичгийн даргаас дээш албан тушаалтай бүсгүйдүүдийг тодотгож байна гэсэн үг юм. УИХ-д 11 эмэгтэй гишүүн хууль батлалцаж байна. Мөн засгийн газарт хэд хэдэн эмэгтэйчүүд ажиллаж байгаа. Мөн дэд сайд, Төрийн нарийн бичгийн дарга, Төрийн гурван өндөрлөгийн зөвлөхүүд гэснээр нийт 38 хүн ажиллаж байгаа аж. Ер нь сүүлийн жилүүдэд эмэгтэйчүүдийн улс төр дэхь байр суурь эрчимтэй нэмэгдэж байна. Улс төрийн намууд ч эмэгтэй боловсон хүчнүүдээ их дэмжиж ажилдаг болжээ.