Бээжин хотноо эхэлсэн Ардын төлөөлөлгчдийн Их хурлын сүүлийн өдөр Хятадын шинэ удирдлагуудыг батлах билээ. Ши Жинпин болон Ли Көцян нарын тэргүүлсэн гишүүд ирэх 10 жилд БНХАУ-ыг удирдана.

     Бээжин хотноо эхэлсэн Ардын төлөөлөлгчдийн Их хурлын сүүлийн өдөр Хятадын шинэ удирдлагуудыг батлах билээ. Ши Жинпин болон Ли Көцян нарын тэргүүлсэн гишүүд ирэх 10 жилд БНХАУ-ыг удирдана.

    Энэ үйл явдалтай холбогдуулан Хятадын шинэ удирдагчдад тулгарах гурван сорилтыг “CNN” агентлагийн тоймч тодорхойлжээ.

    Өнгөрсөн хоёрдугаар сард Хятадын Засгийн газар ирэх таван жилд олон нийтийн өмчид зарцуулах хөрөнгийг 2 хувиар өсгөнө хэмээн мэдээлсэн билээ. Эдийн засагч Ли Ганы хэлснээр “Хэрвээ Засгийн газар нийгмийн давхаргуудын хөрөнгийн ялгааг арилгах зорилгоор ард түмэнд ээлтэй бодлого явуулж эхлэх юм бол Хятадын ажилчин анги эрүүл мэндний үйлчилгээ болон бараа бүтээгдэхүүн худалдан авахад дарамт багатай байх болно” хэмээн дүгнэжээ.

    Хүн ам нь хэт хурдацтай өсч буй асуудалтай тулгарсан БНХАУ 1970 оны сүүлээр төвийн нутгаар амьдардаг гэр бүл зөвхөн ганц хүүхэдтэй байх хууль баталсан. Энэ маргаантай бодлого хэрэгжиж эхэлснээс болж Хятадын ард түмэн удам залгах эрэгтэй хүүхдийг хүсэх болсон байна. Ганц хүүхдийн бодлого нэг асуудлыг шийдсэн боловч үндэстний хувьд эрчүүд хэт давамгайлах өөр нэг асуудлыг гаргаж иржээ. Биологич Боб Брүүксын судалснаар Хятадад санаанд тохирсон эмэгтэйгээ олж ханилна гэдэг маш хүнд болсон байна. Түүнээс гадна хүүхдийн хүйсээс үүдэн үр хөндүүлэх явдал газар авчээ.


    Хятадын хямд өртгөөр боссон цахилгаан станцууд, хүн хүч ихээр шаардсан экспорт эдийн засгийг нь өсгөж байгаа ч байгаль орчныг бохирдуулах болжээ. Олон улсын шинжээч Жеофф Хискокын дүгнэснээр “Хүнс, ус, агаарын аюулгүй байдлыг хангах нь шинэ удирдагчдын хамгийн том сорилт” гэнэ.

Бээжин болон Хятадын баруун хойд хэсгийн нутгууд цэвэр усны, Чонгин, Ченду зэрэг төвийн томоохон хотууд агаарын бохирдлын асуудалтай байна. Мөн уул уурхай, үйлдвэрлэлийн их ажлаас үүдэн фермерчдийн газар нутаг ихээр сүйдэж байгаа аж. Хятадын өмнөд нутгаар хүчлийн бороо их ордог нь мал амьтан болон тэнд оршин суудаг иргэдийн хүнсийг аюултай болгодог байна.