Монгол улсын иргэн Н.Энхтуяа, Б.Хуяг нарыг эрэн сурвалжлах ажиллагааг зогсоохыг Хууль зүйн дэд сайдын захидлыг Интерполын нарийн бичгийн газраас мэдээлж, энэ тухай тодруулахыг хүссэн байдаг. Харин саяхан Хууль зүйн сайд Х.Тэмүүжин Интерполоос ирсэн захидалд албан ёсоор хариулт өгчээ.
    Монгол улсын иргэн Н.Энхтуяа, Б.Хуяг нарыг эрэн сурвалжлах ажиллагааг зогсоохыг Хууль зүйн дэд сайдын захидлыг Интерполын нарийн бичгийн газраас мэдээлж, энэ тухай тодруулахыг хүссэн байдаг. Харин саяхан Хууль зүйн сайд Х.Тэмүүжин Интерполоос ирсэн захидалд албан ёсоор хариулт өгчээ. Тэрээр “Хууль зүйн дэд сайд алдаа гаргасан учир түүнд холбогдох хэрэгт эрүүгийн хэрэг үүсгэн шалгаж байгаа” хэмээн Интерполынхноос албан ёсоор уучлалт гуйсан байна. Мөн "Ямар төөрөгдөл үүссэн бэ гэхээр бусад орнуудад Хууль зүйн дэд сайд Ерөнхий прокурор байдаг. Прокурор Хууль зүйн яамдаа шууд харъяалагддаг. Манай дэд сайдаас хүсэлт тавьчихаар прокуророос хүсэлт тавьчихлаа гэсэн төөрөгдөл үүссэн. Прокурор гэмт хэрэгтэй тэмцэх, гэмт хэргийг илрүүлэх, яллах гол чиг үүрэгтэй. Интерпол Монгол улсын гэмт хэрэгтэй тэмцэх гол байгууллагаас ийм хүсэлт ирсэн үү гэдгийг надаас тодруулж асуусан. Би хариуг нь өгөхдөө "Манайх Үндсэн хуулийн систем өөр. Прокурор тусдаа. Хууль зүйн яамнаас ангид байдаг. Энэ чиглэлийн хүсэлт гаргах нь Хууль зүйн сайдын эрх мэдлийн хүрээнд байгаа. Хууль зүйн сайд дэд сайддаа ийм чиг үүрэг өгөөгүй. Тийм учраас Интерполд очсон захидал төөрөгдөл байна. Уучлаарай, танай байгууллагад ийм хүндрэл учруулсандаа хүлцэл өчиж байна. Бидний хүсэлт шаардлага хэвээрээ байгаа. Манай дэд сайдтай холбоотой асуудал шалгагдаж эхэлсэн, албан тушаалаа урвуулан ашигласан гэдгээр эрүүгийн хэрэг үүсгэн шалгаж байгаа гэсэн тайлбар өглөө" хэмээв.