Өнгөрсөн оны аравдугаар сард Монгол улсын иргэн Т БНСУ-ын зочид буудалд амарч байсан солонгос бүсгүйн өрөөнд орж түүнд хүч хэрэглэхийг завдсан хэрэг үйлдсэн. Тэрээр гэмт хэрэг үйлдэж байгаад газар дээрээ баригдсан ч хэргээ хүлээхгүй байсан. Гэсэн хэдий ч тус улсын шүүхээс түүнийг хэргийг урьдчилан төлөвлөж санаатайгаар үйлдсэн хэмээн үзэж, 3.6 жилийн хоригдох ял оноосон байна. Түүнчлэн түүний нэр болон царайг хүчингийн хэрэг үйлдэгчийн жагсаалтанд багтааж ирэх арван жилийн турш нийтэд ил байлгахаар болжээ. Хэргийг сануулбал, тэрээр тус улсад хөдөлмөрийн гэрээгээр ажиллаж байсан ба тэр өдөр зочид буудлын жижүүр байраа түр сул орхин гарсныг далимдуулан буудлын өрөө болгоныг татаж үзэн сэлгүүцэж байсан байна. Энэ үедээ нэгэн өрөөнд солонгос бүсгүй Кимийг ганцаараа унтаж байгааг харж улмаар хаалгыг нь дотроос нь түгжиж хүчиндэхийг завджээ. Солонгос бүсгүй хүчтэй эсэргүүцэл үзүүлж чанга дуугаар орилсон бөгөөд энэ үед буудлын жижүүр цагдаа дуудсанаар тэрээр газар дээрээ баригдсан аж.
Б.Чимэг
Сэтгэгдэл (6)