Моод дагагч бүсгүйчүүд маань “богино үс”-ний шуурганд өртөөд сувдан даруулга зүүмээр урт хар гэзэгнүүдээ эрүүтэйгээ чацуулаад тайрчихсан байх. Богино болгосон хойно урт үс сайхан харагдаад байгаа биз? Хиймэл үс залгахгүйгээр хэрхэн хурдан хугацаанд үсээ хурдан ургуулах талаар зөвлөгөөг та нартаа бэлдлээ. 1. Үсээ сүлжих
Гэртээ байгаа үедээ үсээ байнга сүлжиж байгаарай. Бага зэрэг чанга сүлжвэл үс сайн ургадаг.
2. Халгайгаар угаах
Бүх аптекуудаар хатаасан халгай зардаг. Зааврынх нь дагуу хэрэглэснээр үс хурдан ургаж, өнгө зүс нь сайжирдаг.
3. Зуун наст буюу алоетой үсний тос хэрэглэх
Зуун наст нь үсний ургалтыг хурдасгадаг үйлчилгээтэй. Тиймээс үсний маск, тосоо сонгохдоо зуун настын найрлагатайг сонгоорой.
4. Үсэндээ чийг тэжээл тогтмол өгч байх
Долоо хоногт хамгийн багадаа хоёр удаа тогтмол маск, тос түрхэж халаадаг малгай хэрэглэж заншаарай. Ингэснээр зөвхөн хурдан ургах биш, үсийг эрүүлжүүлж, өнгөлөг сайхан харагдахад тусалдаг. Мөн үс чинь “үгэнд сайн ордог” болно.
5. Үс зун илүү хурдан ургадаг
Хүний үс намар, өвлийн улиралд ургалт нь удааширч, хавар зуны улиралд илүү хурдасдаг. Хэрвээ чи үснийхээ өвчилсөн хэсгийг тайруулаад хурдхан буцаагаад ургуулахыг хүсч байвал хавар зуны улирлыг сонгоорой.
6. Үс ургуулахад сайнаар нөлөөлдөг хүнсний бүтээгдэхүүн хэрэглэх
Үүнд газрын самар, үхрийн мах, тахианы мах, сам хорхой, шүш, буурцаг, өндөг, тараг, бяслаг, лууван, бууцай, улаан лооль, сүү мөн бүх төрлийн жимс, жимсгэнэ орно.
7. Цаг хугацаа
Мэдээж үсээ ургуулахын тулд бидэнд цаг хугацаа туслах болно. Өдөржин энэ тухай бодож сэтгэл санаагаар унахын оронд яг одоо өмнөө овоорсон ажлаа хийгээд дуусгавал ямар вэ. Энэ бүхнийг амжуулах гээд завгүй байх хооронд үс маань нэг мэдэхэд л далаа шүргэсэн урт болчихно. Ялангуяа өдөр бүр боож яваад байвал бүр ч анзаарахгүй.
