Венесуэлийн Ерөнхийлөгч асан Уго Чавесын занданшуулсан шарил шилэн хоргонд олон нийтийн өмнө мөнх байх болно. Зарим хүнд хачирхалтай санагдаж байгаа ч тэрбээр ард түмэн дундаа хаан шиг шүтэгддэг, дэлхий дахинд дарангуйлагч хэмээн нэрлэгддэг их удирдагчдын халааг авч буй юм. Сталин, Хятадын Моа Зедун, Вьетнамын Хо Чи Мин, Хойд Солонгосын Ким Ир Сен. Хамгийн сүүлд гэхэд Оросын удирдагч В.И.Лениний занданшуулсан шарил Москва хотын Улаан талбайн ойролцоо 90 орчим жил хэвтэж байна.
Харин АНУ-ын ерөнхийлөгч асан Абрахам Линколны занданшуулсан цогцсыг 1865 онд бусдын гарт амь үрэгдснээс хойш музейд үзүүлэн болгон тавьжээ. "Ленин амьд! Ленинг Орос орон тахин шүтэх болно” нэртэй номын зохиогч Нина Тумаркин хамгийн сүүлд шилэн хоргонд орсон орчин үеийн удирдагчийн түүхийн бичжээ. Тэрбээр “Олон хүн түүний үхлийн дараа төр улс мөхөх вий гэсэн айдаст автсан байлаа. Москва хот тэр чигээрээ цэргийн хуаран болсон байв. Тийм үед иргэдий айдас хүйдсээс салгахын тулд Ленинг мөнх амьдруулж, занданшуулах шийдвэр гарсан” хэмээн дурсаж байна. Тухайн үеийн эрх баригчид түүний шарилыг үзэхээр хүмүүс ирэхгүй бол яах вэ? гэсэн эргэлзээтэй байсан ч Лениний шилэн хорго хүний хөл тасрахгүй байна. Энэ бол түүх юм. Өнөөдөр Венесуэлийн алдарт хүү Уго Чавес хүний мөнх байх хүсэл, занданшуулсан эртний мумигийн тухай яриаг эргэн сануулж байна.
Хо Ши Мин
Египетийн фараон Тутанхамены занданшуулсан мумиг олсон нь хүмүүсийн оюун ухаанд мөнх байх тухай огт өөр төсөөллийг бий болгож дараа хүн төрөлхтний дунд мөнх байх хүсэлтэн улам олшрох болжээ. Ялангуяа зуу биш, мянга мянган жил ч оршин байж болох юм гэсэн шуналтай хүслийг төрүүлсээр. Гэхдээ яаж?
В.И.Ленин болон Египетийн фараоны цогцос хоорондоо асар их ялгаатай харагддаг. Учир нь занданшуулсан арга нь өөр, өөр. Фараон нас барсан тэр цаг, минутдаа ямар байсан тэр хэвээрээ байгаа бол Лениний төрх арай өөр болжээ. Орчин үед шарилыг занданшуулахдаа гоо сайхны мэс засал хийж, зарим газар нь селикон шахдаг. Амьд мэт харагдуулахын тулд цус гүйсэн хацартай харагдуулах будаг хэрэглэдэг. АНУ-ын иргэний дайны үеэр амиа алдсан цэргүүдийг гэрийнхэнд нь харуулахын тулд, таниулахын тулд цогцсыг нь "шинэ" байлгах арга хэрэглэдэг байсан гэдэг. Өнөө үед хүмүүс энгийн хүмүүс чандарлын уул усандаа өргөхийг илүүд үзэх болсон нь дэлхийн хүн ам олширч, газар нутаг ховордож байгаагийн үр дүн. Гэхдээ энэ шалтгаан их хүмүүст хамаардаггүй юм. Лениний тухай номын зохиогч Тумаркин саяхан их удирдагчийн цогцсыг эргээд иржээ. Тэр "Ямар их өөрчлөгдсөн юм бэ?" гэж дуу алджээ. Учир нь В.И.Лениний шарил лааны тосон баримал шиг харагдах болж, хүний хөл татарчээ. Ленинг шүтэгчид ч цаг хугацааны аясаар байхгүй болж. Тиймээс дэлхий нийт Уго Чавесыг ч бас ийм байдалд хүргэх хэрэгтэй юу хэмээн сануулж байна.
Мао Зедун
Ким Сен Ир
Т.Гэрэл
Сэтгэгдэл (4)