Нийслэлийн Иргэдийн төлөөлөгчдийн хурлаар "Улаанбаатар хотын нутаг дэвсгэрт гадна зар сурталчилгааны байгууламжийг байрлуулахад дагаж мөрдөх журам"-ыг шинэчлэн баталсан билээ.

Энэ дагуу гуравдугаар сарын 1-нээс Сүхбаатарын талбай болон дүүргүүдэд босгосон рекламны томоохон самбаруудыг буулгахаар шийдвэрлэж, эздэд нь шаардлага хүргүүлсэн билээ. Шаардлагын дагуу өнөөдрөөс эхлэн Сүхбаатарын талбайн урд талын цэцэрлэгт хүрээлэнд долоон компанийн найман самбарыг эзэд нь буулгаж эхэллээ.