Хятадын нийслэл Бээжин хотын цаг агаар сүүлийн хэдэн өдөр таагүй байна. Ялангуяа өчигдөр буюу бямба гарагийн орой хотод шороогоор шуурч, их хэмжээний тоосонцор бүрхжээ. Өчигдөр Бээжинд 7-9 хэмийн дулаантай байсан бөгөөд 30 м/секундын хүчтэй салхилжээ. Он гарсаар Бээжин хот хоёр дахь удаагаа цаг агаарын хүнд нөхцөлд ороод байгаа нь энэ юм. Өмнө нь 2-р сарын 28-ны өдөр хүчтэй шороон шуурга болсон юм. Энэ нь агаарын бохирдлын хэмжээг эрс нэмэгдүүлсэн гэж судлаачид мэдэгджээ. Шороон шуурга мөн Хятадын хойд мужууд болох ӨМӨЗО-ны нутаг дэвсгэрт ч нөлөөлсөн байна. Лиаонин дүүрэгт 2000 айл дөрвөн цаг гаруй гэрэл цахилгаангүй байжээ.