"Хишиг Арвин Индустриал" ХХК нь 1997 оноос хойш уул уурхайн болон зам, барилгын салбарт эрчимтэй үйл ажиллагаа явуулж ирсэн үндэсний ууган оператор компаниудын нэг билээ.
   "Хишиг Арвин Индустриал" ХХК нь 1997 оноос хойш уул уурхайн болон зам, барилгын салбарт эрчимтэй үйл ажиллагаа явуулж ирсэн үндэсний ууган оператор компаниудын нэг билээ.

    Манай компанийн ажлын туршлагын хувьд South gobi sands, Бороо гоулд, Оюу толгой, Заамарын уурхай зэрэг томоохон уул уурхай төслүүд дээр хөрс хуулалт болон олборлолтын ажлуудыг хийж гүйцэтгэж ирсэн.

    “Эрдэнэс тавантолгой” хувьцаат компаниас үндэсний компаниудын дунд зарласан Эрдэнэс тавантолгойн баруун цанхийн уурхайн хөрс хуулалтын үйлчилгээ үзүүлэх тендерт дотоодын гурван компани оролцсоноос манай компани нь хүчин чадал сайтай, олон улсад хүлээн зөвшөөрөгдсөн сүүлийн үеийн дэвшилтэт хамгийн олон тооны техник, тоног төхөөрөмжтэйгөөрөө ялгарч чадсан бөгөөд үнийн хувьд хамгийн бага буюу Эрдэнэс тавантолгойн ЗҮҮН ЦАНХИЙН уурхай дээр олборлолт явуулж буй гадаадын хөрөнгө оруулалттай уул уурхайн олборлогч компаниас гурав дахин хямдаар буюу НӨАТ болон бусад бүх төрлийн татвар тооцсон дүнгээр 7900-аар хөрс хуулалтын үйл ажиллагааг явуулах үнийн санал өгч хөрс хуулалтын үйлчилгээ үзүүлэх компаниар шалгарсан.

    Манай компани олон жилийн туршлагатай мэргэжлийн өндөр түвшинд бэлтгэгдсэн оператор, механик засварчидтайгаас гадна одоогийн байдлаар уул уурхайн зориулалттай 250 гаруй машин механизм, тоног төхөөрөмжтэй. Бид бүрэн хүчин чадлаараа ажиллахад нэг сард 2 сая тн/м квадратаас багагүй хэмжээний хөрс хуулалтын болон олборлолтын үйл ажиллагааг явуулах бүрэн боломжтой.

    Манай улс үндэсний компаниудаа дэмжиж ажилласнаар ажлын байр бодитоор нэмэгдэх, дотоодын аж ахуйн нэгжүүдийн эдийн засгийн чадавхи сайжрах цаашлаад стратегийн ач холбогдолтой томоохон ордууд дээрээ өөрсдөө үйл ажиллагаа явуулж, хяналтаа тавих, мөн олборлолт боловсруулалтын ажлаа бүрэн бие даан явуулах, хөрөнгийн биржүүдээр дамжуулан IPO хийх, бүтээгдэхүүнээ дэлхийн зах зээлийн жишиг үнээр гаргах зэрэг маш олон чухал асуудлууд араасаа хөврөн гарах болно гэдэгт бид итгэж байна.

    Аливаа томоохон ажлын явцад харилцан буруу ойлгох, элдэв цуу яриа зэргээс үүдэлтэй олон талын бодит ташаа мэдээллүүд нийтэд түгэх байдал ажиглагддаг. Тйимээс та бидэнтэй холбогдож, Эрдэнэс тавантолгойн баруун цанхийн уурхайн хөрс хуулалтын ажил болоод манай байгууллагын талаар үнэн зөв мэдээлэл авахыг хүсвэл мөн бидэнтэй хамтран ажиллахыг хүссэн хувь хүн, аж ахуйн нэгж байгууллагуудад бидний үүд хаалга таньд үргэлж нээлттэй байх болно.