Өнөөдөр Монголын Үндэсний статистикийн хорооноос сар тутмын ээлжит хурлаа хийж, статистик үзүүлэлтийг танилцууллаа. Энэ хурлаар эдийн засгийн макро болон микро төвшний судалгаа, гэмт хэрэг, эрүүл мэнд, хүнсний бүтээгдэхүүний үнэ гээд нийгмийн бүхий л үзэгдэл, үйл явцын талаарх мэдээллийг эмхэтгэн танилцуулсан юм.

Улсын хэмжээнд энэ оны эхний хоёр сард 12387 эх амаржиж, өмнөх оны мөн үеийнхээс 808 эх буюу 7.0 хувь, төрсөн хүүхдийн тоо /амьд төрөлтөөр/ 12452 болж 821 хүүхэд буюу 7.1 хувиар өссөн байна. Харин нэг хүртэлх насандаа 208 хүүхэд эндэж, өмнөх оны мөн үеийнхээс 2 хүүхэд буюу 1.0 хувиар нэмэгдэж, 1-5 хүртэлх насны 39 хүүхэд эндэж 1 хүүхэд буюу 2.6 хувиар нэмэгджээ. Нэг өрхийн сарын дундаж мөнгөн зарлага 739.6 төгрөг болж , өмнөх оны мөн үеийнхээс 190.7 мянган төгрөг буюу 34.7 хувиар нэмэгдсэн байна.

Бүртгэлтэй ажилгүй иргэдийн тоо 2013 оны хоёрдугаар сарын эцэст 37.4 мянга болж, өмнөх оны мөн үеийнхээс 21.0 мянган хүнээр буюу 3.6 хувиар буурчээ.